هذا البوست لي شخصيا لان الغالبيه الفلورز عندي من السعوديه و قطر و البحرين يعني يمكن ما يشيلون الهم السياسي الي اشيله

عموووما .. اباارك لنفسي و لكل مواطن كويتي ايا كانت ميوله السياسيه

بس و لله الحمد والمنه اغلب النواب الجدد يحملون هم الامه .. و الاغلبيه للسلفيين و الاسلاميين

و هذا معناته ان الشعب الكويتي .. صار اوعى من قبل .. يعني المجلس الحالي هو من افضل المجالس الي مرت علينا كما ارى انا من اسماء للنواب .. و لا اخفيكم علم ان سيكون هناك من النواب الذي لا اعلم حقيقه شنو موقعهم من الاعراب .. راح مثل ما نقول ( يبابون على غير سنع ) بس بإذن الله نوابنا ما راح يتلفتون للاقليه .. ولا راح يكون المجلس هالدوره مجلس رد اعتبارات او خلافات شخصيه مثل ما يفتري بعض الكتاب يوم شافوا ان المجلس الغالبيه سلفيين قالوا ان الديمقراطيه كارثه الله المستعان عشان حنا الاغلبيه قلتم كارثه .. يعني وين الرأي و الرأي الاخر .. ولا على حسب اذا مستفيدين من المجلس قلتم ديمقراطيه حق للكل و ليما صرتوا اقليه قلتم الديمقراطيه كارثه هي بس كارثه هالسنه لان النواب السلفيين و الاسلاميين و المعارضه اكثر .. على قولت خالد عبد الجليل الله يهديكم غصبن عليكم :)

الحمد الله الذي بنعمته تتم الصالحات =))

هذا ثالث و آخر بوست سياسي اكتبه في تمبلري :) « للعلم فقط