PinkBerry ! My Own Review !
السلام عليكم ورحمة الله وبركاته
شرايكم نشرب قدحا من الشاهي و اقولكم السالفه 
رحت انا وامي 
الله يخليها لي ولا يحرمني منها
نتمشى بالافنيوز وحنا طالعين قررت اجرب الـ بنك بيري مثل ما يقولون لأول مره بس خلوني اقولكم قصه البنك بيري اول ما جاء الكويت
اي شي جديد عندنا بالكويت يعتبر ( هـبه ) وكشخه 
لو هو شنوو كان بس المهم انه شي جديد بالديره
و الطابور الي يكون على البنك بيري بصراحه طابور مو صج 
لدرجه الواحد ما يقدر يمر يعني شي مو طبيعي
هالصوره الي لقيتها بقوقل حيل شويه ولا دايم اكثر من جذي يس بالوقت الحالي صاروا حيل اقل من اول ما انفتح شكله خلصت الكشخه هههههههههههههه
رحت بنك بيري و شفت الي عندهم و كانت اوريدي الخيارات قليله تقريبا 5 انواع والله مدري بس حيل شويه
اخترت هذا و الله ما ادري شنو اسمه بس كانوا كاتبين ان اقوى نوع وبطعم الرمان يعني حاد المذاق و انا عموما احب الرمان
حطيت التوبنق عليه اوريو و كرنش كانوا حلوين طبعا التوبينغ ما حبيت الفواكه لان ما احبها حيل يعني ما اتغيل اكلها مع اليوغرت هذا المقصود 
جيت البيت و قلت خل اذوقه جذي على روقااان
الله يديم النعمه 
… كلش مو حلو ابدا ما تخيلت طعمه جذي .. طعمه طعم الروب استغفر الله اقدر اقول مو الخايس الي منهيه طلاحيته صار له شهر .. ياااابووووووي صج صج الناس اذواق و لا ما تخيلت ان احد يقدر يطلب هذا و يوقف الساعات عشانه يعني من صجكم !!!!
حتى الدينارين الي قطيتهم اشوفهم حرام والله يعني ما يستاهل لو شاريه لي كولدن ستون احلى يعني افضل كولدن ستون عليه مليووون مره 
عندي حل لمحبين البنك بيري .. توفر فلوسك و توفر النطره الي تطلب فيها ببديل افضل من كي دي دي او المراعي 
ما اقول الا انها كانت تجربه فاشله 
بكل ما تحمله الكلمه من معنى و لا راح يتكرر هالفشل مره ثانيه اوعدكم
لاني انا انسانه اتعلم من اخطائي 
تدرون شنو المشكله ان ثنتين من رفيجاتي شهد و غاليه يموتون بشي اسمه بنك بيري !!!
بس طبعا حنا نسمع الرأي و الرأي الآخر و انا كنت الرأي الآخر « متأثره بالسياسه 
و طبعا المثل الي يقول لما تعددت الاذواق لما بارت السلع شي جذي الامثال ممسحه من المومري بالمره
و بالنهايه رساله لموظف البنك بيري ليما قالي come again
اقوله اتـ**** بوجهي اذا شفتي جايتكم مره ثانيه 
نشوفكم على خير 
PS : Pics from Google Search NOT Main ! Just Saying !
Update : ترا البدليات واجد بالبوست طوفوا سوو نفسكم ما شفتوها هههههههه
